बरहक्षेत्र नगरपालिका: १२ वर्षीया बालिकामाथि यौन दुर्व्यवहारको प्रयास, कोईराला पक्राउ

सुनसरीः सुनसरी जिल्लाको बराहक्षेत्र नगरपालिका वडा नं ७ स्थित सोमबारेमा एक १२ वर्षीया बालिकामाथि यौन दुर्व्यवहारको प्रयास भएको छ।

६१ वर्षीय अर्थराज कोइरालाले आफ्नै घरमा काम गरिरहेको बालिकामाथि रातको समयमा यौन दुर्व्यवहार गर्ने प्रयास गरेका थिए।
बालिकाले घटनाबारे जानकारी दिँदै भनिन् कि रातको १२:०० बजे उनी सुतिरहेको थिइन्, अर्थराज कोइरालाले ढोका ढकढक्याए। बालिकाले ढोका खोलेपछि अर्थराजले शारीरिक सम्बन्ध राख्ने प्रस्ताव राखेका थिए। बालिकाले उक्त प्रस्ताव अस्वीकार गरेपछि आरोपितले जबरजस्ती प्रयास गर्न थाले र प्रतिकार गर्दा कुटपिट पनि गरेका थिए।
घटनामा बालिका जब आफ्नो आत्मसम्मान र सुरक्षा बचाउन संघर्ष गरिन्, तब उनी भाग्न सफल भइ आफ्नो परिवारसँग सम्पर्क गरिन्। परिवारले तुरुन्तै महेन्द्रनगरको इलाका प्रहरी कार्यालयमा जानकारी दिएपछि, प्रहरीले अर्थराज कोइरालालाई नियन्त्रणमा लिई थप अनुसन्धान गरिरहेको छ।

बालिका आर्थिक रूपमा कमजोर परिवारकी सदस्य भएकाले अर्थराज कोइरालाको घरमा बस्न थालेकी थिइन्। जिल्ला प्रहरि कार्यलय सुनसरिका अनुसार कोईरालाले दुरव्यवहार गरेको बयान प्रहरिमा स्विकार गरेका छन्।