धरानमा स्ट्रीट फुडमा स्वास्थ्य रङ प्रयोगबारे सचेतना कार्यक्रम सम्पन्न

धरान, असार ६ — खाद्य प्रविधि तथा गुण नियन्त्रण कार्यालय विराटनगरको आयोजनामा धरान उपमहानगरपालिकाको सहकार्यमा धरान–१५ सुनसरीमा स्ट्रीट फुडमा स्वास्थ्यका लागि सुरक्षित रङको प्रयोग सम्बन्धि एक दिवसीय सचेतना कार्यक्रम सम्पन्न भएको छ।

स्थानीय तहसँगको सहकार्यमा आयोजना गरिएको कार्यक्रममा कार्यपालिका सदस्यहरू, वडा सदस्यहरू, साना होटल तथा खाजाघरका सञ्चालकहरूसहित करिब ३५ जना सहभागी थिए। कार्यक्रममार्फत सहभागीलाइ स्ट्रीट फुडमा प्रयोग हुने खाद्य रङहरूको प्रभाव, प्रयोगमा आउन नहुने हानिकारक

रसायनहरूको जानकारी, र स्वच्छता तथा गुणस्तरमा ध्यान दिनुपर्ने विषयमा विस्तृत जानकारी प्रदान गरिएको थियो।
कार्यक्रमबारे जानकारी दिँदै खाद्य अनुसन्धान अधिकृत तथा सूचना अधिकारी प्रवेश पोखरेलले उपभोक्ताको स्वास्थ्य सुरक्षालाई ध्यानमा राखी यस्तो खालको सचेतना कार्यक्रम स्थानीय तहसंग सहकार्य गर्दै निरन्तर रुपमा अघि बढाइने जानकारी दिनुभयो।