दोस्रोपटक क्यान्सरसंग जुध्दै ममता

धरान । दोस्रो पटक क्यान्सरसंग लडिरहेकी ममता राई खड्काको यो दोस्रो किमो हो । बीपी कोइराला स्वास्थ्य विज्ञान प्रतिष्ठानले उनलाई तेस्रो किमोका लागि फागुन ५ गते बोलाएको छ । तर खर्च उभावले थप उपचार अनिश्चित बनेको छ ।
मजदुर नेता भीमज्वाला राईसंगको कुराकानीमा आधारित ।
धरान १५ सगरमाथा लाइनकी ५२ वर्षिया ममता राई खड्कालाई २०८१ सालको लाग्दै ब्रेस्ट क्यान्सर देखा परेको थियो । नास्ट कलेजको बसका चालक श्रीमान शुक्र राईले उपचारका लागि कुनै कसुर बाँकी राखेनन् । ८ वटा किमो चल्यो । ८ वटा इन्जेक्सन दिइयो, दाहिने तर्फको ब्रेस्ट शल्याक्रिया भयो । २०८१ चैतमा उनलाई बीपी प्रतिष्ठानले डिस्चार्ज दियो ।
उपचारमा करिव १३ लाख खर्चभयो । सरकारी सेवाबाट पाउने एकलाख बाहेक ममताका श्रीमान शुक्र राईले उपचारका लागि भनेरै पहाड धनकुटा बुढीमोरङको जग्गा बेचे, नपुगेको ऋण काढे । खर्च गरेरै क्यान्सरको उपचार गरेर श्रीमतीको जीवन जोगाएकामा खुशी नै थिए । तर, ममतालाई पुन दोस्रो पटक क्यान्सर संक्रमण भएको चिकित्सकले बताएपछि शुक्रको होसहवास उडेको छ ।
एक महिना अघि ममतालाई खोकीले लामो समय सतायो बीपीमा चेकजाँच गराउन ल्याउँदा पुन क्यान्सर संक्रमण पेटतर्फ फैलिएको र पुन किमो चढाउनुपर्छ भनेपछि शुक्र संकटमा परेकाछन् । पहिलो किमो दिएपछि बायोप्सी चेक गर्न पठाइएको छ । दोस्रो किमो माघको २७ गते दिइएको छ र तेस्रो किमोका लागि फगुन ५ गते बोलाइएको शुक्रले बताएकाछन् ।
बायोप्सीको रोपार्ट एकहप्तामा आउछ भनेको छ । रिपोर्ट आउनासाथ औषधी उपचार त गर्नै पर्छ । तर, उपचार गर्दागर्दा पहिलो पटकमै सबै सकिएकोछु । अब कसरी उपचार गर्नेहोला म त समस्या परेँ । राईले भने ।
अब बिक्रिगर्नका लागि मसंग केही बाँकी छैन । धरान १५ स्थित सगरमाथा लाइनमा ५ धुर जग्गामा ३ कोठाको सानो घर सिवाय मसंग अब केही छैन राईले भने । म आफैपनि प्रेसर, सुगरको बिरामीछु मासिक ४ हजार ५ सयको औषधी खानुपर्छ । ३३ वर्षका छोरा पनि मानसिक रोगी छ उसलाईपनि मासिक २ हजार ६ सयको औषधी चाहिन्छ । प्रत्येक तीन महिनामा बीपी लानुपर्छ । कान्छा छोरा वैदेशिक रोजगारीमा गएको छ । मैले मजदुरी गरेको पैसाले घर चलाउनै हम्मे परेको छ उनले भने ।
जसरी भएपनि मेरो श्रीमती बचाउन चाहान्छु । सबैको साथ पाएँभने मेरी श्रीमती बचाउन सक्छु भन्ने आफुलाई लागेको उनले बताए ।
२०४६ सालदेखि यातायात मजदुरी गरेका शुक्र राई २०४९ सालदेखि चालक भएर विभिन्न रुटमा बस चलाएका छन् । ५२ वर्षिय राई २ वर्षदेखि धरान स्थित नास्ट कलेजको बस चलाउछन् । त्यस अघि उनि धरान १५ मै रहेको केके इन्टरनेशनल स्कुलका बस चलाउथे ।
मंगलबार बीपी प्रतिष्ठानमै पुगेर नेपाल यातायात स्वतन्त्र मजदुर संगठनका केन्द्रीय अध्यक्ष भीमज्वाला राई र धरान नगर अध्यक्ष किरण थापाले बिरामी ममता खड्का राई र शुक्र राईलाई भेटेकाछन् । संगठनको तर्फबाट सहयोग रहने बचनवद्धता सहित सहयोगका लागि सबैसंग आह्वान समेत गरिदिएकाछन् ।