जिफन्टले भन्यो संसद विघटन गैरसंवैधानिक

काठमाण्डौं । संसद विघटन गैरसंवैधानीक रहेको भन्दै नेपाल ट्रेड युनियन महासंघ जिफन्टले तत्काल पुनस्र्थापना गर्न माग गरेको छ । आइतबार जिफन्टले देशभरीका आफ्ना नेतृत्वलाई भर्चुअली जोड्दै लोकतन्त्रमा मात्रै श्रमिकहरुको अधिकार सुनिश्चित गर्न सकिने निष्कर्ष निकालेको छ ।
संविधानको मुलमर्म कार्यपालिका, व्यवस्थापिका र न्यायपालिका रहेकाले त्यसको रक्षाले मात्रै लोकतान्त्रिक गणतन्त्रको संरक्षण हुने भएकाले संविधानको रक्षाले मात्रै सम्भव हुने जिफन्टको निष्कर्ष रहेको छ । जिफन्टले दलहरु लोकतन्त्रको आधारस्तम्भ रहेकाले आपसी मनमुटाव र द्धेष त्यागेर संविधान र व्यवस्थाको रक्षाका लागि सबै दलहरुले आन्दोलनको कार्ययोजना समेत तय गर्न जिफन्टले आग्रह गरेको छ ।
जिफन्टका अध्यक्ष विनोद श्रेष्ठले भन्नुभयो लोकतन्त्रले मात्रै नयाँ नेपालको परिकल्पना गर्न सकिने भएकाले यो व्यवस्थाको विकल्प खोज्नेहरुको सपना किमार्थ पुरा हुन श्रमिकहरुले नदिने बताउनु भयो । अध्यक्ष श्रेष्ठले भन्नुभयो हामी भ्रष्टाचारका विरोधी हौ, शुसासनका पक्षपाती हौँ त्यसको कार्यान्वयन सरकारले आफ्ना योजना मार्फत गर्ने हो । वहाँका अनुसार भदौ २३ गते भएका ज्यान जानेगरी भएका घटना र २४ गते तोडफोड र घटनाको निष्पक्ष छानविन गरी दोषीलाई कारबाही गर्नुपर्छ ।
अध्यक्ष श्रेष्ठका अनुसार आगजनी र तोडफोडका कारण बेरोजगारी भएका श्रमिकहरुको देशव्यापी तथ्याङक तयार गरिने र श्रमिकहरुको न्यायका लागि जिफन्टको तर्फबाट अभियान सञ्चालन गरिने बताउनुभयो ।  
बैठकमा नेकपा (एमाले) का देशभरीका कार्यालयमा क्षति पुगेको कार्यालयहरु र नेतृत्वका घरहरुको सरसफाईमा समेत जिफन्टले अभियान संचालन गर्ने र पार्टी र नेतृत्वको संरक्षण गर्न अभियान सञ्चालन गर्ने निर्णय गर्दै जिफन्ट र आवद्ध देशभरीका नेता कार्यकर्ताहरुलाई विचलित नभइ डटेर परिस्थितिको सामना गर्न समेत अध्यष श्रेष्ठले आह्वान गर्नुभएको छ । 

जिफन्ट भवन पुननिर्माण गर्न कोष स्थापना
२९ भदौ २०८२
काठमाण्डौं । भदौ २४ गते जेन जीको नाममा तोडफोड भएको जिफन्टको भवन पुन निर्माणमा जिफन्टले कोष निर्माण गरेको छ ।
आइतबार जिफन्टको नियमति बैठकमा जिफन्ट अध्यक्ष विनोद श्रेष्ठले भन्नुभयो आफ्नै पसिनाले ठडिएको श्रमिकहरुको भवनमा अराजकहरुले क्षति पुर्यायो हामी हाम्रो पसिनाबाटै आफ्नो भवन पुननिर्माण गर्छौ ।
आफ्नो भवन आफै पुननिर्माण गछौं अभियानमा युनिट्राभका महासचिव रामबहादुर श्रेष्ठले नगद ५० हजार कार्यक्रममा हस्तान्तरण गर्नु भएको छ । त्यस्तै उक्त कोषमा जिफन्ट राष्ट्रिय कमिटी र घटक युनियनका नेतृत्वले एक दिनको पारिश्रमिक सहयोग गर्ने समेत निर्णय भएको छ । सबैको सहयोग मार्फत एकहप्ताभीत्र सम्पूर्ण पुननिर्माण कार्य सम्पन्न गरिने अध्यक्ष श्रेष्ठले बताउनु भएको छ ।