कात्तिक २५ गतेलाई कोशी प्रदेश भाषा दिवसका रुपमा मनाइने, कोशी सरकारका महत्त्वपूर्ण निर्णय
विराटनगर । कोशी प्रदेश सरकारले सरकारी कामकाजको भाषा ऐन, २०८३ आगामी कात्तिक २५ गतेदेखि लागू गर्ने निर्णय गरेको छ । प्रदेश सरकारले कात्तिक २५ गतेलाई कोशी प्रदेश भाषा दिवसका रूपमा घोषणा गर्ने निर्णयसमेत गरेको छ ।
शुक्रबार बसेको कोशी प्रदेश मन्त्रिपरिषद् बैठकले १६औँ राष्ट्रिय विभूति महागुरु फाल्गुनन्दको १४१औँ जन्मजयन्तीका अवसर पारेर भाषा ऐन लागू गर्ने निर्णय गरेको हो ।
बैठकले प्रदेश सरकार कार्यविभाजन पहिलो संशोधन नियमावली, २०८३ स्वीकृत गर्ने निर्णय पनि गरेको छ ।
त्यसैगरी, पर्यटकीय पूर्वाधार सञ्चालन, व्यवस्थापन तथा हस्तान्तरणसम्बन्धी कार्यविधि, २०८३ लाई मन्त्रिपरिषद्को आर्थिक, सामाजिक तथा पूर्वाधार समितिमा छलफल गरी पुनः मन्त्रिपरिषद्मा पेस गर्ने निर्णय भएको छ ।
प्रदेश सरकारका प्रवक्ता एवम् आन्तरिक मामिला तथा कानुनमन्त्री गोम्बु शेर्पाले शुक्रबार मन्त्रिपरिषद् बैठकका निर्णय सार्वजनिक गरेका हुन् ।
धरानका कार्यवाहक नगर प्रमुखविरुद्ध हर्क साम्पाङको विषवमन, शृङ्खलाबद्ध टिप्पणी
सुनसरी–१ मा सहरी विकासका लागि २ अर्ब ८ करोड बजेट विनियोजन भएको हर्क साम्पाङको दाबी
घोषणा पत्र जारी गर्दै सकियो मुख्यमन्त्री सम्मेलन
विराटनगरमा अन्तरप्रदेश मुख्यमन्त्री सम्मेलन सुरु, माउस क्लिक गरेर संयुक्त उद्घाटन
कोशी प्रदेशको आयोजनामा हुने अन्तरप्रदेश मुख्यमन्त्री सम्मेलनको तयारी पूरा
कोशी प्रदेशमा मैथिली र लिम्बूसहित १३ भाषालाई सरकारी कामकाजको मान्यता
