धरानमा सम्पन्न पहिलो फाल्कन नकआउट फुत्सल प्रतियोगितामा यति एफसी विजेता

धरान, द फाल्कन क्लबको आयोजनामा धरान–८ स्थित हाम्रो फुटसलमा सम्पन्न पहिलो संस्करणको नकआउट फुत्सल प्रतियोगिता भव्यताका साथ सम्पन्न भएको छ।
प्रतियोगिताको उपाधि धरानको यति एफसी ले हात पार्दै नगद ८० हजार रुपैयाँसहित ट्रफी, मेडल र चेक बोर्ड जितेको छ। उपविजेता बनेको स्पोर्ट्स एरेना एफसी इटहरी ले नगद ४० हजार रुपैयाँसहित ट्रफी, मेडल र चेक बोर्ड प्राप्त गरेको छ।
खचाखच दर्शकमाझ भएको फाइनल खेलमा निर्धारित समयमा दुवै टोलीले गोल गर्न नसकेपछि नतिजा टाइ–ब्रेकरमार्फत निकालिएको थियो।
कार्यक्रमका प्रमुख अतिथि द राइजिङ क्लबका कार्यवाहक अध्यक्ष दिवस राई रहेका थिए भने विशिष्ट अतिथिमा प्रो. ललिता लिम्बू (एडभाइजर, गार्जियन गोर्खा सेटलमेन्ट कन्सल्टेन्सी) र विकास तामाङ मोक्तान (सचिव, सुनसरी मेनपावर व्यवसायी संघ) रहेका थिए।
त्यस्तै अतिथिहरूमा समाजसेवी मना शेर्पा, विजयपुर सेकेन्डरी स्कुलका प्रिन्सिपल निमा भुटिया, प्रो. ड्रीम हाई स्टुडियोका आभास जङ्ग माझी, शिव तामाङ (Samze Vlog) र सवु राई (हाम्रो फुटसल) रहेका थिए।
प्रतियोगितामा व्यक्तिगत विधागत पुरस्कार यसप्रकार छन् :
• म्यान अफ द म्याच : नगन राई (यति एफसी)
• टप स्कोरर : आशिष लिम्बु दाई (न्यू एसपी एफसी) – ५ गोल
• बेष्ट गोलकिपर : प्रभेस मोक्तान (यति एफसी)
• बेष्ट प्लेयर अफ द टुर्नामेन्ट : सजीवन राई (स्पोर्ट्स एरेना एफसी)
रेफ्रीमा सुजन श्रेष्ठ र जुदास राईको संयोजन थियो।
फाल्कन क्लबका संस्थापक सदस्य दीप्सो राई का अनुसार प्रतियोगिता भव्य रूपमा सम्पन्न भएको हो। कार्यक्रममा हालका लोकप्रिय गायक जोन चाम्लिङ राई को पनि विशेष उपस्थिति रहेको थियो।