खेलकुद

प्रथम खारखोला गोल्डकप-२०८३ को उपाधि सप्तकोशी युथ क्लबलाई

BTV Nepal

सोमबार, कात्तिक २३, २०८३

प्रथम खारखोला गोल्डकप-२०८३ को उपाधि सप्तकोशी युथ क्लबलाई

वराहक्षेत्र । सुनसरीको वराहक्षेत्र-१ मा जारी प्रथम खारखोला गोल्डकप-२०८३ को उपाधि सप्तकोशी युथ क्लब देवीघाट वराहक्षेत्र-७ ले जितेको छ ।

प्रतिद्वन्द्वी चक्रघट्टी फुटबल क्लब, वराहक्षेत्र-६ लाई २-१ गोल अन्तरले पराजित गर्दै सप्तकोशीले १ लाख १ हजार १ सय ११ रुपैयाँ राशिसहितको उपाधि हात पारेको छ । चक्रघट्टीले उपविजेता बन्दै ५१ हजार १ सय ११ रुपैयाँ प्राप्त गर्‍यो ।

सप्तकोशीको जितका लागि पहिलो हाफको ३५औं मिनेटमा सागर तिवारीले खाता खोले । यस्तै दोस्रो हाफको २१औं मिनेटमा अनिस राजधामीले गोल गर्दै टिमको जित सुनिश्चित गरे । चक्रघट्टीका तर्फबाट पहिलो हाफको १६औं मिनेटमा अमित मिश्रले गोल गरेका थिए ।

तिहारको अवसरमा खारखोला युथ क्लबले शुभकामना आदानप्रदानसँगै फुटबल प्रतियोगिता आयोजना गरेको अध्यक्ष सन्तोष श्रेष्ठले जानकारी दिए ।

प्रकाशित मिति: सोमबार, कात्तिक २३, २०८३

प्रतिक्रिया दिनुहोस्