मजदुरलाई सहयोग गर्न संगठनले टिम बनायो

५ असोज २०८२
काठमाण्डौं । नेपाल यातायात स्वतन्त्र मजदुर संगठनले सडकमा फँसेका आफ्ना सदस्यहरुको उद्धार र सहयोगका लागि टिम परिचालन गरेको छ । संगठनका महासचिव केशव थापा (निरु) को संयोजकत्वमा टिम परिचालन गरि आपदुमा परेका सदस्यहरुलाई सम्पर्क गर्न समेत आह्वान गरेको छ ।
तुइन खोला पुल नजिक असोज ३ गते साँझ साढे ६ बजेखिको पहिरोका कारण करिव ४० घण्टादेखि सडक अवरुद्ध भएपछि भरतपुरदेखि नागढुङ्गा सडक खण्डमा फसेको करिव ३५ हजार सवारी साधनमा काम गर्ने करिव ८० हजार यातायात मजदुरहरु र करिव ५ लाख यात्रुहरु प्रभावित भएकाछन् ।
समस्यामा पर्नुहरने मजदुरहरुलाई सहयोग गर्नका लागि संगठनका महासचिव केशव थापा (निरु) को सम्पर्क नम्बर ९८५५०६११५२, संगठन चितवनका अध्यक्षदिपक सिलवालको नम्बर ९८४५०२४४३३ र चितवनका कोषाध्यक्ष राजु पौडेलको ९८५५०५१३६३ नम्बरमा सम्पर्क गर्न श्रमिकहरुलाई अनुरोध गरिएको छ । 
नेपाल यातायात स्वतन्त्र मजदुर संगठनका अध्यष भीमज्वाला राईले सरकारले सबै शक्ति प्रयोग गरेरै भएपनि पहिरो पन्छाउनु पर्ने माग गरेकाछन् । सडक डिभिजन कार्यालय भरतपुरको ५ वटा लोडर र एक्जाभेटरको भर नपर्न सरकारलाई संगठनले अपिल गरेको छ ।