नेभिगेशन
समाज

टक्सारका विद्यार्थीलाई न्यानो वस्त्र तथा शैक्षिक सामग्री वितरण

धरान । सेवक अभियान धरानद्वारा भोजपुर जिल्ला, साविक टक्सार गा.वि.स. अन्तर्गतका सामुदायिक विद्यालयहरूमा अध्ययनरत विद्यार्थीहरूलाई न्यानो वस्त्र तथा शैक्षिक सामग्री वितरण कार्यक्रम आयोजना गरिने भएको छ।
कार्यक्रम २०८२ कार्तिक १२ गते बुधबार टक्सारस्थित यशोधरा माध्यमिक विद्यालयको प्राङ्गणमा हुने जनाइएको छ। कार्यक्रममा विद्यार्थीहरूलाई विद्यालय पोसाकका न्यानो वस्त्रहरू — उनका स्वेटर र टोपीहरू वितरण गरिनेछ।
सेवक अभियानका अध्यक्ष राजिब हलवाईका अनुसार टक्सारका विद्यार्थीहरूलाई चिसो मौसममा सहज अध्ययन वातावरण उपलब्ध गराउने उद्देश्यले यो अभियान सञ्चालन गर्न लागिएको हो।
साथै, आयोजकहरूले यशोधरा माविका पूर्वविद्यार्थीहरू तथा टक्सार पुर्ख्यौली घरभइ देश–विदेशमा रहेका महानुभावहरूलाई कार्यक्रम सफल पार्न सहयोग र सहभागिताको लागि विनम्र अनुरोध गरेका छन्।

प्रकाशित मिति:
प्रतिक्रिया दिनुहोस्
थप समाज