दोस्रो धरान हेल्पिङ ह्याण्ड्स कप–२०२५ का मुख्य प्रायोजकमा ज्वेलुक्कास

युएईमा रहेका नेपाली समुदायबीचका प्रतिष्ठित फुटबल प्रतियोगितामध्ये एक धरान हेल्पिङ ह्याण्ड्स कप–२०२५ का लागि ज्वेलुक्कास (Joyalukkas) मुख्य प्रायोजकका रूपमा रहने भएको छ।
धरान हेल्पिङ ह्याण्ड्स र धरान युनाइटेड क्लबको संयुक्त आयोजनामा तथा युएई नेपाली फुटबल संघको संयोजनमा हरेक वर्ष आयोजना हुँदै आएको यस प्रतियोगितासम्बन्धी सम्झौता आज सम्पन्न भएको हो। सम्झौतामा धरान हेल्पिङ ह्याण्ड्सका अध्यक्ष ईश्वर श्रेष्ठ र ज्वेलुक्कासका जनरल म्यानेजर मरिश कर्णबीच हस्ताक्षर भएको आयोजकले जनाएको छ।
यस वर्षको ज्वेलुक्कास धरान हेल्पिङ ह्याण्ड्स कप–२०२५ नोभेम्बर २९ (शनिबार) का दिन दुबईस्थित दुल्स्को भिलेज मैदानमा आयोजना हुने तय गरिएको छ। प्रतियोगितामा करिब १८ वटा नेपाली फुटबल क्लबहरूले सहभागिता जनाउनेछन्।
गत वर्षको संस्करण लमजुङ फुटबल क्लब ले जितेको थियो। आयोजकका अनुसार यस वर्षको प्रतियोगिता अझ आकर्षक र प्रतिस्पर्धात्मक हुने अपेक्षा गरिएको छ।
👉 आयोजक: धरान हेल्पिङ ह्याण्ड्स र धरान युनाइटेड क्लब
👉 संयोजन: युएई नेपाली फुटबल संघ
👉 मुख्य प्रायोजक: ज्वेलुक्कास (Joyalukkas)
👉 मिति: नोभेम्बर २९, २०२५ (शनिबार)
👉 स्थान: दुल्स्को भिलेज, दुबई