भोजपुरको टक्सारका पाँच विद्यालयका ५३३ विद्यार्थीलाई न्यानो वस्त्र तथा शैक्षिक सामग्री वितरण

भोजपुर जिल्ला, साबिक टक्सार गाबिस अन्तर्गतका पाँच विद्यालयमा अध्ययनरत ५३३ जना विद्यार्थीलाई न्यानो वस्त्र तथा शैक्षिक सामग्री वितरण गरिएको छ।
सेवक अभियान धरानद्वारा आयोजित उक्त वितरण कार्यक्रमलाई प्रमुख अतिथि भोजपुर जिल्ला समन्वय समितिका संयोजक कमल थुलुङ, शिक्षा विकास तथा समन्वय इकाईका प्रमुख निवास न्यौपाने, उद्यमी उध्योग बाणिज्य संघका अध्यक्ष
 बद्रीकुमार श्रेष्ठ  , वरिष्ठ गीतकार तथा समाजसेवी श्याम तमोट, स्थानीय जनप्रतिनिधि, शिक्षक, अभिभावक, पत्रकार तथा सर्वसाधारणको उपस्थितिमा सम्पन्न गरिएको हो।
कार्यक्रमका क्रममा विद्यार्थीहरूलाई न्यानो कपडा (स्वेटर, टोपी) तथा शैक्षिक सामग्री वितरण गरिएको थियो।
यस महत्वपूर्ण सामाजिक अभियानलाई सफल बनाउन तन, मन, धनले सहयोग गर्ने मितेरी डेभलपमेन्ट बैंक, प्रादेशिक कार्यालय धरान तथा अन्य सहयोगी दाताहरूप्रति आयोजकले विशेष आभार व्यक्त गरेको छ।
कार्यक्रममा यशोधरा माध्यमिक विद्यालयका प्रधानाध्यापक ध्रुवराज रेग्मी, पूर्व–प्रधानाध्यापक गणेश बज्राचार्य र विद्यालय परिवारलाई विशेष धन्यवाद दिइएको थियो।
सेवक अभियानको ३९१औं साप्ताहिक पदयात्रा “जयसेवक” सँगै सम्पन्न यस सामाजिक कार्यक्रमले स्थानीय समुदायमा सकारात्मक सन्देश फैलाएको आयोजकले जनाएको छ।