दुर्घटना

सुनसरीमा ट्रक दुर्घटना : घटनास्थलमै ५ जनाको मृत्यु, २ जना गम्भीर घाइते

स्नेहा श्रेष्ठ

बिहीबार, माघ १, २०८२

सुनसरीमा ट्रक दुर्घटना : घटनास्थलमै ५ जनाको मृत्यु, २ जना गम्भीर घाइते

सुनसरी — सुनसरीको भोक्राहा नर्सिङ गाउँपालिका–८ स्थित हुलाक राजमार्गअन्तर्गत कपुर टोलमा बिहीबार ट्रक दुर्घटना हुँदा पाँच जनाको घटनास्थलमै मृत्यु भएको छ।
मार्बल र टायल बोकेको को १ ख ४५४४ नम्बरको ट्रक बिहीबार माघ १ गते अनियन्त्रित भई दुर्घटनामा परेको हो। दुर्घटनाका बेला ट्रकको पछाडि लोड–अनलोड कार्यमा संलग्न पाँच जना श्रमिकको घटनास्थलमै ज्यान गएको सुनसरी प्रहरीले जनाएको छ।
दुर्घटनामा परेर दुई जना गम्भीर घाइते भएका छन्। उनीहरूको अवस्था चिन्ताजनक रहेको र उपचारका लागि अस्पताल पठाइएको प्रहरीले जानकारी दिएको छ।
दुर्घटनाको कारणबारे प्रारम्भिक अनुसन्धान भइरहेको र थप विवरण अनुसन्धानपछि सार्वजनिक गरिने सुनसरी प्रहरीले जनाएको छ।

प्रकाशित मिति: बिहीबार, माघ १, २०८२

प्रतिक्रिया दिनुहोस्