२६ औ बुढासुब्बा गोल्डकप: सातदोबाटो पराजित गर्दै झापा ११ सेमिफाइनलमा

धरान / धरान १६ स्थित रङ्गशालामा जारी २६ अौं संस्करणको अन्तरास्ट्रिय आमन्त्रण बुढासुब्बा गोल्डकपको झापा ११ झापा सेमिफाइनल प्रवेश गरेको छ ।
मंगलबारको खेलमा २-१ अन्तरले सातदोबाटो युथ क्लबलाई पराजित गर्दै झापा सेमिफाइनल प्रवेश गरेको हो । 
खेलको १७ अौ मिनेटमा  झापा ११ झापाका राजेश दाहालले गोल गर्दै टिमलाई अग्रता दिए ।  सातदोबाटो युथ क्लबका बबिरोसले   १३ मिनेटमा गोल गर्दै गरेर बराबरी बनाए । दोस्रो हापको ४४ मिनेटमा झापाका एरोन थापा मगरले गरेको दोस्रो गोल नै निर्णायक बन्यो । खेलको म्यान अफ द म्याच झापाका एरोन  थापा मगरले नगद १० हजार रुपैयाँ प्राप्त गरे ।

भोलि मंगलबार प्लानिङ ब्वाइज युनाइटेड काठमाडौं  र लालिगुरास एसोसिएसन पोखराबीच प्रतिस्पर्धा हुने आयोजक धरान फुटबल क्लबका अध्यक्ष प्रताप तामाङले बताएका छन् । 

बुढासुब्बा गोल्डकपको उपाधि विजेताले ट्रफी र मेडलसहित नगद १० लाख र उपविजेताले ५ लाख रुपैयाँ प्राप्त गर्नेछन् । सर्वोत्कृष्ट खेलाडीले डियो स्कुटर पाउने छन् । प्रतियोगितामा १० टिमले सहभागिता जनाएका छन्