सुरक्षा गार्ड दुलप्रसाद पराजुली पुरस्कृत

भाटभटेनी सुपरमार्केटले गत चैत १५ गतेको घटनामा आफ्नो  बहादुरी देखाउदै लाठी चार्ज गरेका सुरक्षा गार्ड दुलप्रसाद पराजुलीलाई पुरस्कृत गरेको छ।

उनलाई आज एक कार्यक्रमबीच ५ लाख नगद रुपैयाँ पुरस्कारका साथै  पाँच ग्रेड बढुवाको सम्मान प्रदान गरिएको हो। भाटभटेनीका मालिक मीनबहादुर गुरुङले उनलाई दुबोको माला लगाइदिएर सम्मान गरे। कार्यक्रममा सो दिन भएको लुटपाट र तोडफोडमा भाटभटेनीलाई जोगाउन लागी परेका अन्य कर्मचारीहरुलाई पनि पुरस्कार र सम्मान प्रदान गरिएको छ।

अन्य तीन सुरक्षा गार्ड सूर्य गिरी, दीपेश खड्का, सोमबहादुर भुजेललाई २५ हजार १ रुपैयाँ र एक ग्रेड बढुवा गरिएको छ। यस्तै ग्रोसरी सिनियर सुपरभाइजर सागर गुरुङलाई पनि ५१ हजार एक सय ११ को चेक र दुई ग्रेड बढुवा  गरेका छन्। सुरक्षा गार्ड पराजुली त्यस दिन लुटपाट गर्नेहरूको प्रतिकारमा एक्लै  उत्रेका थिए।