भन्सार छली गरी ल्याइएका चार लाख ६२ हजार रुपैयाँ बराबरका सामान बरामद
सुनसरी । सुनसरीका विभिन्न सीमानाका हुँदै भन्सार छली गरी ल्याइएका अवैध सामान प्रहरीले बरामद गरेको छ ।
सुनसरीको कोशी गाउँपालिका–८, भोक्राहा नरसिंह–६, देवानगन्ज–२ र इनरुवा नगरपालिका–२ बाट बुधबार कुल ४ लाख ६२ हजार ९ सय १४ रुपैयाँ बराबरका अवैध सामान बरामद गरिएको हो ।
जिल्ला प्रहरी कार्यालय सुनसरीले दिएको जानकारीअनुसार कोशी गाउँपालिका–८ बाट २ लाख ३७ हजार ६ सय ९४ रुपैयाँ बराबरको लत्ताकपडा र किराना सामान, भोक्राहा नरसिंहबाट ६३ हजार ७ सय २० रुपैयाँ बराबरको किराना सामान, देवानगन्जबाट १ लाख ५४ हजार रुपैयाँ बराबरका मोटरसाइकलका पार्टपुर्जा र इनरुवाबाट ७ हजार ५ सय रुपैयाँ बराबरको किराना सामान बरामद गरिएको हो ।
बरामद गरिएका भन्सार छलीका ती सामान नियन्त्रणमा लिई आवश्यक कारबाहीका लागि सुनसरी भन्सार कार्यालय, सेतुबन्धमा पठाइएको जिल्ला प्रहरी कार्यालयले जनाएको छ ।
कैद भुक्तान गरी छुटेका दुई व्यक्ति पेस्तोल र गोलीसहित पक्राउ
जगदगुरु महायोगी सिद्धबाबाको आध्यात्मिक जागरण क्यानडामा : ध्यान, योग र साधना यात्रा जारी
धरान हङकङ मञ्चमा संजोक अध्यक्ष, विकास सचिव
हङकङ–काठमाडौं उडान कटौती नगर्न हङकङवासी नेपालीको आग्रह, महावाणिज्यदूतावासमार्फत सरकारलाई ज्ञापनपत्र
कोशी प्रदेश सरकारले किसानलाई कम लागतमा प्रविधिमैत्री र समृद्ध किसान बनाउने : मन्त्री मन्सुरी
धान उत्पादनमा आत्मनिर्भरताका लागि आधुनिक प्रविधि र अनुसन्धान अपरिहार्य : कृषिमन्त्री चौधरी
