धरान कार्यपालिका : एजेण्डामा प्रवेश गर्नुअघि नै कार्यवहाक मेयरसहित वडाध्यक्षको आत्मालोचना
धरान । तीव्र विवाद र आरोपप्रत्यारोपबीच धरान उपमहानगरपालिकाले आर्थिक वर्ष २०८३/८४ का लागि बिहीबार नगर सभामा नीति तथा कार्यक्रम र बजेट प्रस्तुत गर्ने छनक देखिएको छ ।
कार्यवहाक नगर प्रमुख अइन्द्रविक्रम बेघाले वडाध्यक्षहरूमाथि मनपरि बोलेको आरोप र वडाध्यक्षहरूले कावा मेयर अराजक भएको, बजेट विनियोजनमा एकलौटी निर्णय गरेको लगायत आरोप लगाउँदै निर्धारित नगर सभा नै अनिश्चित भएको थियो ।
बुधबार कार्यपालिका बैठक बस्नुअघि पार्टीका संसदीय दलका नेता र कार्यवहाक नगर प्रमुखबीच सहमति भएपछि कार्यपालिका बैठक बसेको हो ।
बैठकका एजेण्डामा प्रवेश गर्नुअघि धरान-१८ र धरान-१५ का वडाध्यक्षले क्रमशः सहमति र सहकार्यको सन्देश दिँदै यसअघिका सबै विवाद र असहमतिप्रति आत्मालोचना गरे । धरान-१८ का वडाध्यक्ष प्रवीण राईले सहमतिका लागि समन्वय गर्ने धरानका राजनीति दल, उद्योगी व्यवसायी, पत्रकार र आम धरान नगरवासीलाई धन्यवाद दिए ।
धरान-१५ का वडाध्यक्ष नरेश इवारमले घरभित्रको समस्या सामाजिक संजालमा छताछुल्ल नभएको भए राम्रो हुने विचार राखे ।
आआफ्नो पक्षबाट आत्मालोचना गर्ने पूर्वसहमतिअनुसार कार्यपालिकामार्फत आम धरानवासीसँग क्षमा याचना गरेको कार्यवहाक प्रमुख अइन्द्रविक्रम बेघाले बताए । उनले भने, 'हामी क्षमाप्रार्थी छौं ।'
आत्मालोचनापछि कार्यपालिका बैठक एजेण्डामा प्रवेश गरेको थियो ।
भानुचोक वरपरको बजार सुस्ताएको भन्दै व्यवसायीले बुझाए कार्यवहाक मेयरलाई १५ बुँदे स्मरणपत्र
खुल्ला नाका सुरक्षाका लागि चुनौती : प्रविधिको प्रयोग गर्न कोशी प्रहरीको ब्रिफिङ
तौलमा ठगी गर्ने कोशी ग्यासलाई २ लाख ९० हजार जरिवाना
विश्व आदिवासी दिवसका अवसरमा ग्रामथान संरक्षण र पहिचान प्रवर्द्धनमा जोड
फोनिज स्थापना दिवसमा पत्रकार लिम्बू सम्मानित, २५० जनाको आँखा परीक्षण
कोशी नदी किनारलाई माछा पर्यटन र एग्रो टुरिजमसँग जोड्दै माछापालक भीष्म अधिकारी
