तरुण दल लमजुङको अधिवेशनमा संस्थापन पक्ष र इतरपक्षबीच विवाद हुँदा खुकुरी हानाहान
काठमाडौं:नेपाली कांग्रेसको युवा संगठन नेपाल तरुण दल लमजुङको अधिवेशनमा संस्थापन पक्ष र इतरपक्षबीच विवाद हुँदा खुकुरी हानाहान भएको छ ।
आज (शनिबार) अधिवेशनको उद्घाटनसत्रमा नै खुकुरी हानाहान भएको हो । सो क्रममा चार जना घाइते भएका छन् । उक्त घटना लमजुङका सभापतिसमेत रहेका गण्डकी प्रदेशका आर्थिक मामिलामन्त्री डा.टकराज गुरुङ र पूर्वसभापति रहेका गण्डकी प्रदेशका वनमन्त्री भेषबहादुर गुरुङ पक्षधर युवाहरुबीच भएको बताइएको छ ।
संस्थापन पक्षले इतरपक्षलाई खुकुरी हानेका थिए । खुकुरी प्रहारबाट बेसीसहर नगरपालिका –९ का वडाअध्यक्षसमेत रहेका तरुण दलका क्षेत्रीय सभापति खुसीजंग गुरुङ, कांग्रेस लमजुङका जिल्ला कार्यसमिति सदस्य किशोरजंग बस्नेत, नेपाल विद्यार्थी संघ (नेविसंघ) का केन्द्रीय सदस्य सुदीप अधिकारी र तरुण दलका सदस्य धन घले घाइते भएका छन् ।
अधिकारीको टाउकोमा गम्भीर चोट लागेकाले उनलाई उपचारको लागि चितवन मेडिकल कजेल भरतपुर पठाइएको छ भने अन्य तीन जनाको प्रदेश अस्पताल लमजुङमै उपचार भइरहेको छ ।
विवाहका लागि गरगहना बनाउने विषयमा विवाद हुँदा सुंगुरको खोरमा बाधेर कुटपिट
पाकिस्तानका लागि जासुसी गरेको आरोपमा भारतीय चर्चित भ्लगर ज्योति मल्होत्रा पक्राउ
छिनछिनमा बत्ती जान थालेपछि विद्युत प्राधिकरण र सरकारको चर्को आलोचना
कोशि प्रदेशका प्रहरी प्रमुखबाट मातहत प्रहरी प्रमुखहरुलाई Virtual माध्यमद्वारा निर्देशन
धरान अपाङ्गता एकीकृत समाजद्वारा समीक्षा भेला र कम्प्युटर हस्तान्तरण कार्यक्रम सम्पन्न
चन्द्रमैन धमिथानमा श्रद्धा, संस्कृति र सहभागिताको संगम
