समाचार

तन्नाको पोका भित्र महिलाको शव फेला, विराटनगरमा त्रास

स्नेहा श्रेष्ठ

बुधबार, चैत ११, २०८२

तन्नाको पोका भित्र महिलाको शव फेला, विराटनगरमा त्रास

धरान। विराटनगर महानगरपालिका–१७ स्थित वडा कार्यालय नजिकैको पैनी क्षेत्रमा तन्नामा पोका पारिएको अवस्थामा एक अज्ञात महिलाको शव फेला परेको छ। घटनापछि स्थानीय क्षेत्रमा त्रास फैलिएको छ।

स्थानीय बासिन्दाले मंगलबार साँझ शंकास्पद अवस्थामा पोका पारिएको शव देखेपछि तत्काल प्रहरीलाई खबर गरेका थिए। सूचना प्राप्त हुनासाथ जिल्ला प्रहरी कार्यालय मोरङ बाट डीएसपी लिलाराज लामिछाने को नेतृत्वमा प्रहरी टोली घटनास्थलमा खटिएको थियो।
प्रहरीले घटनास्थलबाट शव उठाई पोस्टमार्टमका लागि कोशी अस्पताल पठाएको जनाएको छ। मृतकको पहिचान खुल्न बाँकी रहेको छ भने घटनाको प्रकृति र कारणबारे विस्तृत अनुसन्धान भइरहेको प्रहरीले जनाएको छ।

यस घटनाले स्थानीयवासीमा त्रासको वातावरण सिर्जना गरेको छ।

प्रकाशित मिति: बुधबार, चैत ११, २०८२

प्रतिक्रिया दिनुहोस्