पुर्वाञ्चल आइसक्रिम पार्लरमा आगलागी, ठूलो क्षति हुनबाट जोगियो

धरान । इटहरी उपमहानगरपालिका वडा नं. ६ मा रहेको पुर्वाञ्चल आइसक्रिम पार्लरमा आज अचानक आगलागी भएको छ।
प्रारम्भिक जानकारी अनुसार विद्युत् सर्टका कारण आगलागी भएको अनुमान गरिएको छ। आगो लागेपछि केही समयका लागि क्षेत्र तनावग्रस्त बनेको थियो।

आगो नियन्त्रणका लागि स्थानीय बासिन्दा, ट्राफिक प्रहरी, सशस्त्र प्रहरी बल तथा धरान, विराटनगर, दुहबी, इनरुवा र बेलबारीबाट आएका दमकलहरूको संयुक्त प्रयास गरिएको थियो। सुरक्षाकर्मी र स्थानीयको सक्रियताका कारण आगो समयमै नियन्त्रणमा लिइएको हो।
समयमै गरिएको प्रयासका कारण ठूलो मानवीय क्षति हुनबाट जोगिएको जनाइएको छ। यद्यपि, आगलागीबाट भएको भौतिक क्षतिको पूर्ण विवरण भने आउन बाँकी रहेको छ।
ट्राफिक प्रहरी कार्यालय इटहरीका अनुसार हाल क्षतिको मूल्यांकन भइरहेको छ।

यस घटनाले विद्युत् सुरक्षामा थप सतर्कता अपनाउनुपर्ने आवश्यकता देखाएको छ। व्यवसायिक स्थलहरूमा नियमित विद्युतीय जाँच तथा सुरक्षाका उपायहरू अपनाउन सम्बन्धित निकाय र व्यवसायीलाई आग्रह गरिएको छ।