मृगौलिया नेवाः पुचःको अध्यक्षमा कर्णबहादुर प्रधान चयन

धरान, १० चैत — मृगौलिया नेवाः पुचःको प्रारम्भिक भेलाबाट कर्णबहादुर प्रधान अध्यक्षमा सर्वसम्मत चयन भएका छन्। मंगलबार सम्पन्न आम भेलाले प्रधानको अध्यक्षतामा ११ सदस्यीय समिति गठन गरेको हो।

नवगठित समितिको उपाध्यक्षमा पार्वता प्रधान, सचिवमा निरबहादुर प्रधान, सहसचिवमा देवबहादुर प्रधान तथा कोषाध्यक्षमा गीता प्रधान चयन भएका छन्। त्यसैगरी सदस्यहरूमा गणेश प्रधान, खण्डमान श्रेष्ठ, कमला प्रधान, सरिना प्रधान, रामबहादुर प्रधान र गोमा प्रधान रहेका छन्।

संस्थाका प्रमुख सल्लाहकारमा भोला श्रेष्ठ चयन भएका छन् भने अन्य सल्लाहकारहरूमा रणबहादुर प्रधान, जितबहादुर प्रधान, नोमा प्रधान, सुस्मिता प्रधान र सम्मेर श्रेष्ठ रहेका छन्।
त्यसैगरी, संस्थाको विधान मस्यौदा समितिको संयोजकमा कर्णबहादुर प्रधान तथा सदस्यहरूमा निरबहादुर प्रधान र गीता प्रधान चयन भएका छन्। मस्यौदा समितिले १५ दिनभित्र विधान तयार गरी जिल्ला प्रशासन कार्यालयमा दर्ताका लागि जाने जानकारी अध्यक्ष प्रधानले दिएका छन्।

नवनिर्वाचित अध्यक्ष प्रधानले नेवार समुदायको सांस्कृतिक, भाषिक तथा मौलिक पहिचान संरक्षण र अधिकारका लागि संस्था सक्रिय रूपमा काम गर्ने प्रतिबद्धता व्यक्त गरे।
कार्यक्रममा नेवाः देय दवू मोरङका अध्यक्ष थर्कमान श्रेष्ठ, सुन्दरहरैचा नगर समितिका अध्यक्ष पदम श्रेष्ठ, इन्द्रपुर नेवाः पुचःका उपाध्यक्ष अर्जुन श्रेष्ठ, नेपाली कांग्रेस मोरङका सचिव ललित श्रेष्ठ तथा प्रमुख अतिथि सुन्दरहरैचा नगरपालिका–२ का वडाध्यक्ष विवश प्रधानलगायतले शुभकामना मन्तव्य दिएका थिए।

वडामा स्थायी बसोबास गर्दै आएका करिब १ सय घरपरिवारलाई समेटेर संस्था स्थापना गरिएको नव निर्वाचित सचिव निरबहादुर प्रधानले जानकारी दिए।