रामनवमीको अवसरमा जगदगुरु महायोगी सिद्धबाबाको नौ दिवसीय साधना र अनुष्ठान

सुनसरी । रामनवमीको अवसरमा जगदगुरु महायोगी सिद्धबाबाले नौ दिवसीय साधना सम्पन्न गरेका छन् ।

जगद्गुरु श्रीरामानन्दाचार्य सेवा पिठमा जगदगुरुको नव दिवसीय साधनावाट जगृति पश्चातको दिव्य दर्शनको कार्यक्रम रहेको पिठले जनाएको छ । 

राम नवमीको अवसरमा हरेक वर्ष जस्तै यस वर्ष पनि आफ्नो निजी अनुष्ठानलाई निरन्तरता दिँदै विश्व शान्ति, लोक कल्याण, राष्ट्र कल्याण, समस्त आपदविपदको समनको लागि अनन्त श्री विभूषित जगद्गुरु महायोगी सिद्धबाबा नौ दिवसीय समाधि साधना सम्पन्न गरेको पिठले जनाएको छ । 

उक्त अनुष्ठानहरु राम नवमीको दिन विशेष पूजा, अभिषेक, हवन, आरति, बृहत भण्डाराको साथै भजन, किर्तन आदि कार्यक्रम गरी पूर्णाहुति गरिँदैछ  ।

अखिल ब्रह्माण्ड नायक परात्पर परब्रह्म श्री रामजीको परम पावन प्राकट्य महोत्सवको पावन अवसरमा सदाझैं यस वर्ष पनि जगद्गुरु श्रीरामानन्दाचार्य सेवापीठ, वराहक्षेत्र चतराधाम एवं महायोगी सिद्धबाबा अध्यात्मिक प्रतिष्ठान केन्द्रीय कार्यालय काठमाडौं साथै देशका विभिन्न शाखा र अन्तर्राष्ट्रिय शाखामा श्रीरामचरितमानस पाठ पारायण, श्रीराम पञ्चाङ्ग पाठ ( श्रीरामरक्षास्तोत्र, श्रीरामहृदय, श्रीराम गीता, श्रीराम स्तवराज, श्रीराम सहस्रनाम ), भजन कीर्तन आदि विविध अनुष्ठानात्मक कार्यक्रम भइहेको छ  । 
पिठका पोखरा, चितवन, सालकोट, विरेन्द्रनगर, पर्वतलगायत विभिन्न शाखामा अनुष्ठान सम्पन्न गरिएको छ भने अन्तराष्ट्रिय केन्द्र यूके, अमेरिका, क्यानडा, अस्ट्रेलिया लगायतका देशमा अनुष्ठानको आयोजना गरिएको जगदगुरु श्रीरामानन्दाचार्य सेवा पिठले जनाएको छ ।