धरान उपमहानगरपालिकाद्वारा बजेट संशोधन र रकमान्तर: फोहोर व्यवस्थापनको बजेट नदी नियन्त्रणमा

धरान । सुनसरी धरान उपमहानगरपालिकाको नगर सभाको १८औं अधिवेशनले चालू आर्थिक वर्ष २०८२/०८३ का लागि विनियोजित बजेटमा महत्वपूर्ण संशोधन र शीर्षक रकमान्तर गरेको छ । 

उपमहानगरपालिकाले विशेषगरी फोहोरमैला व्यवस्थापनका लागि ट्रिपर खरिदका लागि छुट्याइएको ठूलो रकमलाई विपद् जोखिम न्यूनीकरणतर्फ बजेट सशोधन स्थानान्तरण गर्ने निर्णय गरेको छ ।

प्राप्त दस्ताबेज अनुसार हालको डम्पिङ साइटको पूर्वतर्फ रहेको  नदी नियन्त्रण कार्यका लागि 'सेउती खोला' को कटलागीबजेट संशोधन गरिएको हो । समयमै नदी नियन्त्रण नगरिए डम्पिङ साइट नै बगाउने खतरा देखिएकाले उपमहानगरले फोहोरमैला व्यवस्थापनका लागि 'टिपर खरिद' शीर्षकमा विनियोजन गरिएको रु. १ करोड रकमलाई संशोधन गरेको हो ।

उक्त रकम अब डम्पिङ साइटको पूर्वतर्फ नदी नियन्त्रण कार्यमा खर्च गरिनेछ । यसका लागि संघीय सरकार, आन्तरिक स्रोत र स्थानीय सरकारको साझेदारी रहने गरी बजेट मिलाइएको छ ।
संघीय सरकारबाट १५ लाख रुपैयाँ, आन्तरिक स्रोतबाट ५० लाख रुपैयाँ र स्थानीय सरकारले ३५ लाख रुपैयाँ 

विभिन्न शीर्षकमा रकमान्तर र शीर्षकान्तर

अधिवेशनले विभिन्न शीर्षकमा रकमान्तर र शीर्षकान्तर गरेको छ । सभाले विकास निर्माण र सामाजिक सुरक्षाका अन्य साना बजेटहरूलाई पनि आवश्यकता अनुसार रकमान्तर गरेको छ । 

सामाजिक सुरक्षा उपक्षेत्र शीर्षक ३० मा रहेको  डिजिटल बोर्ड खरिदमा विनियोजित २ लाख रुपैयाँ बजेटलाई धरान-९ का विभिन्न स्थान र चोकमा सीसी टिभी क्यामेरा जडानका लागि शीर्षकान्तर गरिएको छ । 

यस्तै यातायात पूर्वाधार शीर्षक २ ट्राफिक लाइट जडानका लागि विनियोजित ५० हजार रुपैयाँ नेपाल सितेरियो कराते संघलाई खेल सामग्री खरिदका लागि शीर्षकान्तर गर्ने निर्णय गरिएको छ ।

यस्तै भवन आवास तथा शहरी विकास शीर्षक ४१ अनुसार गौतम पथ पुतली बजार रोड मार्किङका लागि विनियोजित १ लाख रुपैयाँ पूर्णपथ खहरेको रोडर सौन्दर्यीकरण बत्ती तथा गमला स्टेण्डका लागि शीर्षकान्तर गरिएको छ ।