पेट्रोल पम्पमा प्रशासनको अनुगमन तीव्र, नापतौलमा केन्द्रित जाँच
विराटनगर । विराटनगरको एक पेट्रोल पम्पमा तोकिएकोभन्दा कम परिमाणमा पेट्रोल बिक्री भएको भेटिएपछि जिल्ला प्रशासन कार्यालय मोरङले अन्य पेट्रोल पम्पमा समेत अनुगमन तीव्र पारेको छ ।
बुधबार प्रशासनको नेतृत्वमा नापतौल तथा गुणस्तरसम्बन्धी कर्मचारीसहितको टोलीले विराटनगरका विभिन्न पेट्रोल पम्पमा अनुगमन गरिरहेको छ । टोलीले पम्पमा प्रयोग भइरहेका नापतौल उपकरण, इन्धनको परिमाण र उपभोक्तालाई वितरण गर्ने प्रणालीको जाँच गरिरहेको हो ।
यसअघि सोमबार राति विराटनगर–शनिमन्दिर चोकस्थित पूर्वाञ्चल पेट्रोल पम्पमा पाँच लिटर पेट्रोल नाप्दा तोकिएको परिमाणभन्दा कम भेटिएको थियो । त्यसपछि प्रशासनले पम्प सिलबन्दी गरी घटनाबारे अनुसन्धान अघि बढाएको थियो ।
पूर्वाञ्चल पेट्रोल पम्पमा नापतौलमा कैफियत भेटिएपछि विराटनगरका अन्य पम्पको अवस्थासमेत जाँच गर्न अनुगमन बढाइएको प्रशासनले जनाएको छ । अनुगमनका क्रममा इन्धनको परिमाणसँगै नापतौल उपकरणको अवस्था र वितरण प्रणालीको परीक्षण गरिनेछ ।
प्रशासनले उपभोक्तालाई कम परिमाणमा इन्धन बिक्री गर्ने वा नापतौलमा अनियमितता गर्ने पम्प सञ्चालकमाथि कानुनी कारबाही गर्ने जनाएको छ ।
ठूलो तयारीबीच सशस्त्रको छापा, भेटियो डेढ-दुई लाखको लत्ता
स्थानीय समस्यामा सरकारको ध्यानाकर्षण गराउँदै सुनसरी, धनकुटा र उदयपुरका युवाको ज्ञापनपत्र
श्रीलंका टप्पुमा कोशी कटानको जोखिममा परेकालाई सुरक्षित स्थानान्तरण
सरुवाको तयारीपछि मोरङ कारागारमा दिनभर तनाव, प्रशासनिक टोलीलाई प्रवेशमै रोक
खानतलासीपछि मोरङ कारागारमा कैदीबन्दीको आन्दोलन, सुरक्षा व्यवस्था कडा
विराटनगरका सात आँखा अस्पतालमा शिलबन्दीपछि क्षेत्राधिकारको विवाद, सञ्चालक आन्दोलनको तयारीमा
