राजनिती

सदनमा रवि लामिछानेले भने– संसद बहसको थलो हुने छ, प्रतिशोधको होइन

BTV Nepal

बिहीबार, चैत १९, २०८२

सदनमा रवि लामिछानेले भने– संसद बहसको थलो हुने छ, प्रतिशोधको होइन

धरान । राष्ट्रिय स्वतन्त्र पार्टी (रास्वपा) का सभापति रवि लामिछानेले हिजो आफ्नालाई बचाउन र विपक्षीलाई फसाउन कानुन संशोधन गरी अध्यादेश नै ल्याइएको बताएका छन् । उनले त्यस्ता क्रियाकलाप यथाशीघ्र सच्याइने बताएका छन् ।

सदनमा बोल्दै सभापति लामिछानेले भने– ‘संसद बहसको थलो हुने छ, प्रतिशोधको होइन । ’

रास्वपाले पाएको मतादेशको गुन जिम्मेवारी पूरा गरेर तिर्ने लामिछानेले बताए । उनले भने– ‘संसद बहसको थलो हुने छ, प्रतिशोधको होइन । हिजो आफ्नालाई बचाउन र विपक्षीलाई फसाउन कानुन संशोधन गरिएको छ अध्यादेश नै ल्याइएको छ । त्यस्ता क्रियाकलाप यथाशीघ्र सच्याइने छ ।’’

प्रतिनिधि सभाको पहिलो बैठकलाई सम्बोधन गर्दै लामिछानेले आफ्नो दलले पाएको मत समर्थनको मात्रै होइन, परिवर्तनको मत रहेको उल्लेख गरे । उनले भने– ‘हामीलाई जनताले दिएको म्यान्डेट सिंहदरबार चलाउन होइन, सिंहदरबार बदल्न हो । म गर्वको साथ भन्न सक्छु हामीले बदल्न सुरु गरिसकेका छौँ ।’

प्रकाशित मिति: बिहीबार, चैत १९, २०८२

प्रतिक्रिया दिनुहोस्