दार्चुला झोलुङ्गे पुल : हर्क साम्पाङले भने- भारतलाई सोधेर समन्वय गरिदिनू
धरान । जनश्रमदानबाट दार्चुलामा झोलुङ्गे पुल निर्माण अभियानमा लागेका श्रमसंस्कृति पार्टीका अध्यक्ष हर्क साम्पाङले समन्वयका लागि परराष्ट्र मन्त्रालयलाई पत्राचार गरेका छन् ।
महाकाली नदीमा पुल निर्माण हुने भएकाले भारत सरकारलाई सोधेर समन्वय गरिदिन साम्पाङले परराष्ट्र मन्त्रालयलाई अनुरोध गरेका हुन् ।
फेसबुकमा पोस्ट गरेको पत्रमा साम्पाङले परराष्ट्र मन्त्रालयलाई सम्बोधन गर्दै भारत सरकारको समन्वय आवश्यक रहेको खुलाएका छन् ।
उनले लेखेका छन्- 'हाल दार्चुला ब्यास २ दुम्लिङमा त्यहाँका स्थानीयहरुलाई बजार, अस्पताल र विद्यालय जान महाकाली नदीमा झोलुङ्गे पुल निर्माण गर्नु पर्ने अति आवश्यक देखिएकोले पारी पट्टी भारतको भूभाग पर्न जाने हुँदा भारत सरकारलाई सोधेर सम्बन्धित सबै निकायहरु सङ्ङ्ग समन्वय गरिदिन अनुरोध छ ।'
साम्पाङले पुल नहुँदा तुइन तरेर महाकाली तर्नु पर्ने बाध्यता रहिआएको उल्लेख गरेका छन् । तुइन तर्ने क्रममा बर्षेनी ज्यान जाने गरेको तीतो यथार्थ अवगत गराएको बताएका छन् । साम्पाङले परराष्ट्र मन्त्रालयलाई अनुरोध गर्दै लेखेका छन्- जति सक्दो चाँडै त्यस भेगमा स्तरीय सडक निर्माण गर्ने कार्य समेत गर्नु पर्ने तर्फ सरकारको ध्यानाकर्षण गराउँदछु ।'
सुकुम्बासी बस्तीमा सरकारी हस्तक्षेपविरुद्ध हर्क साम्पाङको भर्त्सना, 'राज्य आतंक' बन्द गर्न चेतावनी
गृहमन्त्री सुधन गुरुङले दिए राजीनामा
सुदन किरातीद्वारा प्रलोपा परित्याग, फेसबुकबाट दिए जानकारी
संसदीय समितिहरूको नेतृत्व बाँडफाँट: को-को चुनिए सभापति ?
सातै प्रदेशका मुख्यमन्त्रीसँग छलफल गर्दै प्रधानमन्त्री वालेन्द्र, प्रशासनिक र आर्थिक विषयमा केन्द्रित रहने
हर्क साम्पाङको ठट्यौली, ‘महेन्द्र हाइवे भन्दा पनि यलम्बर हाइवे राख्न पाए राम्रो हुन्थ्यो !’
