नन्दा राईको अध्यक्षतामा धरान नृत्यकला प्रतिष्ठानको नयाँ कार्यसमिति चयन

धरान ।  नृत्यकर्मीहरूको हक, हित तथा कला प्रवर्द्धनका लागि क्रियाशील संस्था धरान नृत्यकला प्रतिष्ठानको अध्यक्षमा नन्दा राई सर्वसम्मत चयन भएकी छन् । 

नवगठित कार्यसमितिको उपाध्यक्षमा देवराज खड्का र पनिता तामाङ, सचिवमा सन्तोष तामाङ तथा सह–सचिवमा प्रविन भुजेल र सागर राई चयन भएका छ । कोषाध्यक्षमा सुरेश राई चयन भएका छन् ।

सदस्यहरूमा पवन तामाङ, सन्देश तिमल्सिना, एलिसा ल्वागुन, आइश्वर लिम्बू, रुविन परियार, रेशु धमला, इचिङ्सा लिम्बू, सविता शेर्पा, हर्क तामाङ र तृष्णा राई चयन भएका छन् ।

अधिवेशन अन्तर्गत सम्पन्न कार्यक्रमको खुल्ला सत्रमा प्रमुख अतिथिका रूपमा धरान उपमहानगरपालिकाका कार्यवाहक नगर प्रमुख अईन्द्रबिक्रम बेघाको उपस्थिति थियो । प्रमुख अतिथि बेघाले धरानका कलाकारलाई अगाामीदिनमा व्यवस्थित तरिकाले समेटेर लाने बताए । 

 अधिवेशनमा वक्ताहरूले धरानमा नृत्यकर्मीहरूको हक अधिकार, अवसर तथा नृत्य प्रस्तुति तथा अभ्यासका लागि आवश्यक भौतिक पूर्वाधारको अभाव रहेको उल्लेख गर्दै सम्बन्धित निकायको ध्यानाकर्षण गराएका थिए ।

नवनिर्वाचित कार्यसमितिले नृत्यकर्मीहरूको एकता सुदृढ गर्दै पेशागत सुरक्षा, सम्मान तथा कला विकासमा केन्द्रित भई आगामी दिनमा सक्रिय रूपमा कार्य गर्ने प्रतिबद्धता जनाएको छ ।