राजनिती

नेकपा एमाले धरानद्वारा अव्यवस्थित, भूमिहीन तथा सुकुम्बासी संघर्ष समिति घोषणा

BTV Nepal

शुक्रबार, वैशाख २५, २०८३

नेकपा एमाले धरानद्वारा अव्यवस्थित, भूमिहीन तथा सुकुम्बासी संघर्ष समिति घोषणा

धरान । नेकपा एमाले धरान उपमहानगर कमिटीले अव्यवस्थित, भूमिहीन तथा सुकुम्बासी संघर्ष समिति घोषणा गरेको छ ।

एमाले धरानले चन्द्र भुजेलको संयोजकत्वमा ११ सदस्यीय संघर्ष समिति निर्माण गरेको कार्यवहाक अध्यक्ष पारस काङमाङ राईले जानकारी दिए ।

समितिका सदस्यहरूमा राजेश राई, हिमाल कार्की, ज्ञानेन्द्र बस्नेत, सुरज बराईली, हरिबहादुर कार्की, झुमा गुरुङ, राजन राई, लक्ष्मण दास, टिकाराम बि.क र कुलबहादुर मगर छन् ।

अव्यवस्थित, भूमिहीन तथा सुकुम्बासीमाथि राज्यले डोजर आतङ्क सिर्जना गरेर पुस्तौंदेखि बसोबास गर्दै आएको नागरिकको आवासमाथिको संवैधानिक अधिकार हनन गरेको पार्टी कमिटीको १५ औं बैठकले शुक्रबार निष्कर्ष निकालेको कावा अध्यक्ष राईले बताए ।

सरकारले मानवीय संवेदनशीलताविरुद्ध कार्य गरेको र अन्तर्राष्ट्रिय मानव अधिकार तथा नेपालको संविधानमाथि प्रहार समेत भएको बैठकको निष्कर्ष छ ।

प्रकाशित मिति: शुक्रबार, वैशाख २५, २०८३

प्रतिक्रिया दिनुहोस्