मुख्यमन्त्री कार्यालयअगाडि पहिचानवादीको नाराबाजी : कोशी प्रदेश खारेज गर
विराटनगर । किरात राई यायोक्खाको राष्ट्रिय महाधिवेशनका अवसरमा शुक्रबार विराटनगरमा निकालिएको र्यालीमा सहभागीले कोशी प्रदेशको नाम खारेज गर्न माग गर्दै नाराबाजी गरेका छन् ।
विराटनगरको रोडशेष चोकबाट निकालिएको र्यालीमा किरात राई समुदाय जातीय पहिरनमा सहभागी थिए । र्यालीका सहभागीले मुख्यमन्त्री तथा मन्त्रिपरिषद्को कार्यालयअगाडि करिब १५ मिनेट प्रदर्शन गरे ।
प्रदर्शनका क्रममा उनीहरूले ‘कोशी प्रदेश खारेज गर’, ‘पहिचानको आधारमा कोशीको नामकरण गर’ र ‘पहिचानविरोधी होसियार’ लगायतका नारा लगाए । उनीहरूले पहिचानका आधारमा प्रदेशको नामकरण हुनुपर्ने मागसहित प्लेकार्डसमेत प्रदर्शन गरे ।
रोडशेष चोकबाट सुरु भएको र्याली मुख्यमन्त्री तथा मन्त्रिपरिषद्को कार्यालयअगाडि प्रदर्शन गरेपछि वीरेन्द्र सभागृह पुगेको थियो । त्यहाँ किरात राई यायोक्खाको राष्ट्रिय महाधिवेशनको उद्घाटन सत्रमा चलिरहेको छ ।
कोशी प्रदेशमा मैथिली र लिम्बूसहित १३ भाषालाई सरकारी कामकाजको मान्यता
विगतका अस्पष्टता हटाउँदै कोशी प्रदेशसभाले पारित गर्यो नयाँ नियमावली
धरानको के के स्कुलका प्रधानाध्यापकको दुर्व्यवहार : सांसद कायस्थद्वारा ध्यानाकर्षण
भाषा विधेयक तत्काल ल्याउन सांसद श्रेष्ठको माग
तिलक राई : ३६ वर्षको राजनीतिक यात्रापछि क्षेत्रीय सभापति निर्वाचित
धार्मिक पर्यटनदेखि डाटा सेन्टरसम्म लगानी बढाउने तयारीमा कोशी सरकार
