पहिचान पुरस्कार कोषद्वारा २०८३ सालका लागि कृति आह्वान
धरान । 'पहिचान पुरस्कार कोष' ले २०८२ साल वैशाखदेखि चैतसम्म प्रकाशित कृतिहरूलाई पहिचान पुरस्कारका लागि दर्ता गराउन आह्वान गरेको छ ।
बुधबार सूचना जारी गर्दै कोषले २०८३ साल जेठ महिनाभित्र दर्ता गराइसक्नका लागि सर्जक र सम्बन्धितलाई आह्वान गरेको छ ।
कोषका संस्थापक नरेश काङमाङ राईद्वारा जारी सूचनामा २०८१ सालमा कोषमा दर्ता भएका कृतिलाई समेत २०८२ सालमा प्रकाशित भई दर्ता भएका कृतिसँगै उत्कृष्ट कृति छनोट गरी पुरस्कार प्रदान गरिने उल्लेख छ ।
पहिचान पुरस्कार कोषद्वारा स्थापित 'पहिचान पुरस्कार' नेपाली साहित्यमा पहिचानको मुद्दालाई उजागर गर्ने उत्कृष्ट कृतिहरूलाई प्रदान गरिने प्रतिष्ठित पुरस्कार हो । यो पुरस्कारको राशि हाल ५ लाख २ हजार २ रुपैयाँ रहेको छ ।
यसअघि २०८०/८१ सालको पहिचान पुरस्कार राजु स्याङ्तानको कवितासङ्ग्रह ‘ओ पेङ्दोर्जे’ लाई प्रदान गरिएको थियो ।
त्यस्तै २०८१/८२ को पहिचान सम्मान वरिष्ठ साहित्यकार बैरागी काइँलालाई नगद ५ लाख २ हजार २ रुपैयाँ र ताम्रपत्रसहित प्रदान गरिएको थियो ।
पहिचान युवा सम्मान गिलु रातोस (गणेशकुमार राई) लाई नगद ५० हजार २ सय २ रुपैयाँसहित ताम्रपत्रसहित प्रदान गरिएको थियो ।
धरानमा 'नो सिग्नल' माथि परिचर्चा : प्रविधिको युगमा पनि मानवीय सम्बन्धको विकल्प नरहेको निष्कर्ष
‘काव्य–कला कोलाज–२०८३’ मा तस्बिर, विचार र भावनाको विमर्श
विमल गुरुङ कृति पुरस्कारका लागि कृति र राष्ट्रिय कविता महोत्सवका लागि कविता आह्वान
‘स्वर्णिम साहित्य पुरस्कार' कवि शरणकुमार राईलाई, सम्मान रेखा सुबेदीलाई
चो?लुङ साहित्य गोष्ठीको पहिलो दिन १७ कविका कविता
धरानमा प्रस्तुत हुँदैछन्, गुलजारका कविता
