हाम्रो धरान भेट्रान फुटबल प्रतियोगिताको चौंथो संस्करण : उद्घाटन खेलमा धरान विजयी

धरान । हाम्रो धरान भेट्रान फुटबल प्रतियोगिताको चौंथो संस्करणको उद्घाटन खेलमा मिल्स भेट्रान फुटबल क्लबलाई २-१ गोल अन्तरले पराजित गर्दै धरान भेट्रान क्लबले विजयी सुरुवात गरेको छ । 

पहिलो हाफमा प्लेयर अफ द म्याच गणेश लिम्बूले गरेको गोलबाट धरानले अग्रता लिएको थियो । मिल्स भेट्रानका तर्फबाट पहिलो हाफको अन्तिम समयमा दिलिप बास्कोटाले गोल गर्दै खेललाई बराबरीमा पुर्‍याए । प्रतिस्पर्धात्मक खेलको दोस्रो हाफको अतिरिक्त समयमा धरानका जनक सुनुवारको गोलबाट प्रतियोगितामा धरानले जितको खाता खोलेको थियो । 

खेलको प्लेयर अफ द म्याच घोषित लिम्बूलाई सुनसरी जिल्ला फुटबल सङ्घका अध्यक्ष नवीन राईले पुरस्कार हस्तान्तरण गरे ।  
आइतबारकाे खेल भराैल भेट्रान्स सुनसरी र विराट भेट्रान्स विराटचोक, माेरङबीच हुने आयोजकले जनाएको छ ।

प्रतियोगिताको उद्घाटन धरान उपमहानगरपालिकाका कार्यवहाक मेयर अइन्द्रविक्रम बेघाले गरेका थिए । उनले मैदानमा रेफ्रीलाई बल हस्तान्तरण प्रतियोगिताको उद्घाटन गरेका थिए ।