धरान उपमहानगरद्वारा संस्थागत विद्यालयलाई शुल्क समायोजन गर्न निर्देशन
धरान । धरान उपमहानगरपालिकाले नगर क्षेत्रभित्र सञ्चालित संस्थागत विद्यालयहरूलाई तत्काल अभिभावक भेला गराई शुल्क समायोजन गर्न निर्देशन दिएको छ ।
उपमहानगरपालिकाका प्रमुख प्रशासकीय अधिकृत तीर्थराज राईद्वारा जारी सूचना अनुसार, शैक्षिक सत्र २०८३ का लागि शुल्क निर्धारण गर्दा अभिभावकको दुई तिहाइ बहुमतबाट पारित गरी तोकिएको शुल्कमा नबढ्ने गरी लिनुपर्ने व्यवस्था छ । साथै, तोकिएको शुल्क सीमाभन्दा कम शुल्क लिइरहेका विद्यालयहरूले सोही शुल्कलाई नै निरन्तरता दिनुपर्ने प्रावधान छ ।
यद्यपि, केही विद्यालयहरूले अभिभावकको भेला नगराएको र तोकिएको शुल्क सीमाभन्दा कम शुल्क लिइरहेका विद्यालयहरूले समेत शुल्क बढाएको भनी गुनासो/उजुरी प्राप्त भएको उपमहानगरपालिकाले जनाएको छ ।
उक्त उजुरीहरूलाई मध्यनजर गर्दै, नगरपालिकाले सम्बन्धित विद्यालयहरूलाई यथाशीघ्र अभिभावक भेला गराई शुल्क बढाएको पाइएमा तत्काल समायोजन गर्न निर्देशन दिएको छ ।
कक्षा–१२ मा ‘ए प्लस’ ल्याउने मेघा हिमालयन कलेजका १३ विद्यार्थी सम्मानित
वराहक्षेत्रको हर्दियास्थित बिपी आधारभूत विद्यालयमा ९ विद्यार्थी ६ शिक्षक, अस्तित्वमै सङ्कट
प्रतिभावान विद्यार्थीलाई मेघा-हिमालयनको सम्मान, ८० प्रतिशतसम्म छात्रवृत्ति
प्राइम भिजन इन्टरनेशनल हस्पिटालिटी म्यानेजमेन्ट कलेजको दिक्षान्त समारोह
वडाध्यक्ष र हिबिस्कस बाल क्लबका पदाधिकारीबीच अन्तर्कृया
प्राइम भिजनको अभिमुखीकरण : एडिएचएम र इन्फर्मेशन टेक्नोलोजी पढ्ने विद्यार्थी लाभान्वित
