एसईईमा हिबिस्कस स्कुल : 'शतप्रतिशत नतिजा' लाई निरन्तरता दिँदै

धरान ।  धरान-१५ स्थित हिबिस्कस इङ्लिस बोर्डिङ स्कुलले एसईई परीक्षामा ल्याउँदै आएको शतप्रतिशत नतिजालाई निरन्तरता दिँदै २०८२ सालको एसईई परीक्षामा समेत उत्कृष्ट नतिजा निकालेको छ ।

एसईई परीक्षामा छात्रा फुङ्निमा लिम्बूले ३.८१ जीपीए प्राप्त गर्दै विद्यालय प्रथम बनिन् । विद्यालयले निरन्तर गुणस्तरीय शिक्षा, अनुशासित शैक्षिक वातावरण तथा दक्ष शिक्षकको मिहिनेत र विद्यार्थीको कडा परिश्रम साथै अभिभावकको सही मार्ग निर्देशनका विद्यालयले उत्कृष्ट नतिजा निकालेको विद्यालयका निर्देशक गंगाराम राईले बताए ।

परीक्षाको नतिजाअनुसार आयुषा राईले ३.५९, रोनिशा श्रेष्ठले ३.५६ तथा मौसम श्रेष्ठले ३.४७ जीपीए हासिल गरे । निवा प्रेमी लिम्बूले ३.४४, निनाम्मा राईले ३.३५, एलेक्स श्रेष्ठले ३.३४, आर्यन खाती र इजेकियल राईले समान ३.३१ जीपीए प्राप्त गरेका छन् । 

प्रज्वल लिम्बूले ३.२७, प्रयास लिम्बूले ३.२५, रुपेन्जल तामाङले ३.२३, स्वयम श्रेष्ठले ३.१७ तथा शम्भु राईले २.८४ जीपीए हासिल गरेको स्कुलले जनाएको छ ।

विद्यालयको सफलताले धरान क्षेत्रमा हिबिस्कस स्कुललाई गुणस्तरीय शिक्षाको भरोसायोग्य शैक्षिक संस्थाका रूपमा थप स्थापित गरेको  अभिभावकहरूले प्रतिक्रिया दिएका छन् ।

विगत वर्षमा समेत शतप्रतिशत नतिजा ल्याएको  विद्यालयले  आगामी दिनमा पनि थप उत्कृष्ट परिणाम निकाल्ने तर्फ मिहिनेत गरिरहेको जनाएको छ । विद्यालय प्रशासनले विद्यार्थी, शिक्षक तथा अभिभावकप्रति आभार व्यक्त गर्दै आगामी दिनमा अझ उत्कृष्ट शैक्षिक नतिजाका लागि प्रतिबद्ध रहेको जनाएको छ ।