ब्रेन ब्याटल सिजन-१ को पहिलो शृङ्खलाको विजेता बन्दै सिद्धार्थ शिशु सदन फाइनलमा प्रवेश

धरान । ब्रदर्श अनलाइन मिडिया हबद्वारा आयोजित ब्रेन ब्याटल धरान सिजन-१ को पहिलो शृङ्खलामा पाँच विद्यालयलाई उछिन्दै सिद्धार्थ शिशु सदन फाइनलमा प्रवेश गरेको छ ।

धरान-८ स्थित शहीद स्मृति माविको सभाहलमा आयोजित हाजिरी जवाफ प्रतियोगिताको चार चरणमा कुल ११० अङ्क बटुल्दै सिद्धार्थ फाइनल चरणमा प्रवेश गरेको हो । सहभागी नवोदय विद्या मन्दिर, इक्वा सेकेन्डरी स्कुलले क्रमशः ८० र ७५ अङ्क प्राप्त गर्दै दोस्रो र तेस्रो बने । 

प्रतियोगितामा सुनसरीका २० विद्यालय सहभागी छन् । धरानबाट सञ्चालित ब्रदर्श अनलाइन मिडिया हबले विद्यालयस्तरीय ब्रेन ब्याटल हाजिरी जवाफ प्रतियोगिताको पहिलो संस्करण आयोजना गरेको हो ।
अध्यक्ष विरेन्द्र थापाले जानकारी दिए ।

 ‘ब्रेन ब्याटल’ (सिजन-१) हाजिरीजवाफ प्रतियोगिताले  शैक्षिक र बौद्धिक विकासलाई टेवा पुर्‍याउने उद्देश्यले आयोजना गरिएको मिडिया हबका अध्यक्ष विरेन्द्र थापाले बताए ।

छायाङ्कनसहितको प्रतियोगिताको प्रसारण बिटिभीनेपालको अफिसियल युट्युब र फेसबुक च्यानलबाट प्रसारण गरिने छ ।