ब्रेन ब्याटल सिजन-१ को दोस्रो शृङ्खलाको विजेता बन्दै एभेरेष्ट चिल्ड्रेन होम फाइनलमा प्रवेश

धरान । ब्रदर्श अनलाइन मिडिया हबद्वारा आयोजित ब्रेन ब्याटल धरान सिजन-१ को दोस्रो शृङ्खलामा पाँच विद्यालयलाई उछिन्दै एभरेष्ट चिल्ड्रेन होम फाइनलमा प्रवेश गरेको छ ।

धरान-८ स्थित शहीद स्मृति माविको सभाहलमा आयोजित हाजिरी जवाफ प्रतियोगिताको चार चरणमा कुल ७० अङ्क प्राप्त गर्दै एभेरेष्ट चिल्ड्रेन होम फाइनलमा प्रवेश गरेको हो । 

सहभागी धरान आदर्श बोर्डिङ स्कुलले ६० अङ्क प्राप्त गर्दै दोस्रो बनेको छ भने तेस्रो स्थानमा समान ३० अङ्क प्राप्त गर्दै 
भानु स्मृति मावि र पब्लिक हाइस्कुल तेस्रो बने । 

प्रतियोगितामा सुनसरीका २० विद्यालय सहभागी छन् । धरानबाट सञ्चालित ब्रदर्श अनलाइन मिडिया हबले विद्यालयस्तरीय ब्रेन ब्याटल हाजिरी जवाफ प्रतियोगिताको पहिलो संस्करण आयोजना गरेको हो ।
अध्यक्ष विरेन्द्र थापाले जानकारी दिए ।

 ‘ब्रेन ब्याटल’ (सिजन-१) हाजिरीजवाफ प्रतियोगिताले  शैक्षिक र बौद्धिक विकासलाई टेवा पुर्‍याउने उद्देश्यले आयोजना गरिएको मिडिया हबका अध्यक्ष विरेन्द्र थापाले बताए ।

छायाङ्कनसहितको प्रतियोगिताको प्रसारण बिटिभीनेपालको अफिसियल युट्युब र फेसबुक च्यानलबाट प्रसारण गरिने छ । आइतबार ब्रेन ब्याटल अन्तर्गत तेस्रो र चौंथो शृङ्खलामा १०  विद्यालयले दुई चरणमा प्रतिस्पर्धा गर्ने छन् । 

आइतबार हुने पहिलो शृङ्खला बिहान ९ बजेदेखि सुरु हुने छ भने दोस्रो शृङ्खला अपराह्न ३ बजे आयोजना हुने छ ।